Për shumë vite mbretëresha Elizabeth II e ka fshehur nga familja e saj skeçin me James Bondin, ndërsa një prej kushteve për të marrë pjesë ka qenë që askush të mos dijë rreth kësaj. Mbretëresha ka aktruar përkrah Daniel Craigut në skeçin humoristik në vitin 2012. Këto detaje të padëgjuara më parë janë bërë të ditura nga anëtarët e ekipit të produksionit që kanë punuar në ceremoninë hapëse të evenimenti, ku është shfaqur xhirimi. Në skenën e filmit shfaqet agjenti 007 teksa e udhëheq mbretëreshën drejt stadiumit olimpik në Londër. “Mbretëresha kurrë nuk ia ka thënë familjes së saj se është duke e bërë atë. Ky ka qenë njëri prej kushteve kur ka pranuar të jetë pjesë e projektit”, ka rrëfyer menaxheri i produksionit, Sam Hunter. Gjithashtu ekipi i produksionit është dashur ta ruajnë sekretin edhe nga disa pjesëtarë të qeverisë.