Ministrat e mbrojtjes të Bashkimit evropian, diskutuan të enjten propozimin për një forcë të shpejtë reagimi pasi blloku u la mënjanë gjatë evakuimeve të udhëhequra nga SHBA nga afganistani. Janë shtuar apelet për grupin me 27 vende anëtare që të krijojë aftësitë e veta ushtarake për të reaguar shpejt në raste krizash, vecanërisht pas skenave kaotike në aeroportin e Kabulit pasi Talebanët morën pushtetin. Ministrat do të rishqyrtojnë propozimin, që për të parën herë u lëshua në maj, për të ngritur një forcë prej 5 mijë trupash si pjesë e një rishikimi të strategjisë së gjerë të BE-së që do të finalizohet vitin e ardhshëm. Por ndërkohë, ka shumë dyshime se do të ketë vullnet politik për tu angazhuar për një forcë të tillë, pasi blloku nuk ka përdorur kurrë një sistem të të ashtuquajturve grupebetejash të krijuara në 2007-ën.