Andra Day ka hedhur poshtë pretendimet se ka nisur një lidhje dashurie me Brad Pitt. Në një intervistë për “Entertainment Tonight”, këngëtarja 36-vjeçare tha se këto spekulime nuk janë asnjë më shumë veçse trillime hollivudiane. “Ne nuk po takohemi. Ne as nuk e njohim njëri-tjetrin.“, është shprehur ajo. Pas divorcit me Angelina Jolie, aktori i “Fight Club” ka qenë i lidhur me Nicole Poturalski, me të cilën u nda në tetor të vitit të kaluar. Pitt ka qenë një një betejë ligjore me ish-gruan dhe fitoi kujdestarinë e përbashkët të fëmijëve. Kujtojmë se para pak kohësh, Angelina Jolie ka akuzuar ish-burrin e saj për dhunë në familje dhe ka paraqitur dokumente në gjykatë duke pretenduar se ajo ishte viktimë e dhunës në familje nga Pitt. Dokumentet tregojnë se fëmijët e tyre kanë rënë dakord të japin dëshmi kundër dhunës së pretenduar të aktorit 57-vjeçar.