Për Karim Benzema ka ardhur momenti i së vërtetës për skandalin e shpërthyer në vitin 2015 për cështjen e shantazhit ndaj Matthieu Valbuena për një video erotike të këtij të fundit. ditën e mërkurë, në Versaille nis procesi gjyqësor në lidhje me këtë cështje dhe sulmuesi i realit të Madridit do të duhet të përgjigjet për akuzën e bashkëpunimit në tentativën për shantazh ndaj ish shokut të tij të skuadrës në kombëtaren franceze. Procesi i mbiquajtur 'Sextape', do të zgjasë deri të premten dhe të akuzuarit duke përfshirë edhe Benzema rrezikojnë të dënohen me 5 vjet burg. Historia flet se Benzema 5 vjet më parë, gjatë grumbullimit me Francen, foli me Valbuenën për të zgjidhur problemin e një videoje erotike të këtij të fundit. Video në fakt rezultoi se ishte regjistruar në një file nga një bashkëpunëtor i Valbuenës që duke pasur probleme financiare përpiloi një plan duke përfshirë në të edhe një mik të fëmijërisë të Benzema, Karim Zenati. Pikërisht me kërkesë të këtij të fundit, benzema kontaktoi me mesfushorin për t'i ofruar ndihmën e tij duke e vënë në kontakt me personat e duhur sipas tij. Për hetuesit, ky wshtw bashkëpunim në tentativë shantazhi ndaj kolegut të tij. Valbuena denoncoi gjithcka në polici ku po hetohej telefonata e përgjuar e Benzema. Dy javë më vonë, Benzema u mor për herë të parë në pyetje, ndërsa muajin pasardhës u shoqërua në komisariat për të dalë si i hetuar. Po këtë muaj u përgjua një tjetër telefonatë mes Zenatit dhe Benzema që u publikua te L'Equipe gjë që shkaktoi një pështjellim në radhët e kombëtares Franceze dhe me pas Valbuena ngriti akuza ndaj Benzema. ndërkaq, Deschamps kishte vendosur të mos grumbullonte asnjërin prej dy futbollistëve në kombëtare deri në sqarimin e situatës. benzema duke parë se u la jashtë Euro 2016 u hodh në kundërsulm ndaj Deschamps teksa tha se trajneri u dorëzua kundrejt një pjesë raciste të shoqërisë franceze, akuza që nuk u pranuan nga Deschamps që vendosi të ndërtojë një skuadër pa Benzema. Kjo histori bëri që të kërkohej gjykimi për benzema që rrezikon dënimin me 5 vjet burg, një dënim që do të njolloste kandidaturën e tij për fitimin e Topit të Artë