Më shumë se 30 alpinistë të sëmurë, u evakuuan nga kampi bazë i Everestit, duke shuar shpresat për një sezon të suksesshëm të ngjitjes së malit më të lartë në botë. Industria e turizmit në Nepal pësoi një goditje të fortë një vit më parë, kur pandemia u bë shkak për mbylljen të gjitha aktiviteteve, gjë që shkaktoi humbje prej miliona dollarësh. Sivjet autoritetet I kanë lehtësuar kufizimet, në përpjekje për të rikthyer alpinistët e huaj, dhe kanë lëshuar më shumë se 400 leje të posaçme, një record I ri ky. Një leje e tillë kushton 11 mije dollarë, dhe alpinistët paguajnë deri në 40 mijë dollar për një ekspeditë. Por rritja e temperaturave, e cila krijon kushte më të mira për ngjitjen e majave të mbuluara me borë të Nepalit, ka përkuar me një valë të dytë infektimesh nga Covid-19. Vetëm në dy javët e fundit ka patur një 6-fishim të rasteve aktive. Mbi 400 njerëz kanë vdekur nga Covidi në dy javët e fundit ne Nepal. Duke qenë se në lartësi të mëdha ka gjithmonë një rrallim të oksigjenit, përhapja e coronavirusit tek alpinistët do të përbënte një rrezik fatal. Ndërkohë, evakuimi I alpinistëve të sëmurë nga lartësitë e mëdha përbën një sfidë të madhe logjistike.