Dea Mishel Hoxha i shtohet kastit të filmit “Në kuadër të dashurisë”, ku protagonistët kryesorë do të jenë këngëtari Luiz Ejlli dhe aktorja Olta Gixhari. Dea Mishel është një personazh publik, të cilën e kemi parë edhe si një aktore dhe moderatore në industrinë e argëtimit. Ajo momentalisht është pjesë e jurisë së emisionit “She’s On Top”. Gjithashtu Dea ishte edhe finalistja e edicionit të dytë të BBV2. “Në kuadër të dashurisë” do të jetë një komedi romantike, ku nuk do të mungojnë të qeshurat, por as lotët. Filmi shfaq një histori dashurie në kohët moderne që ndërlidh jetët e dy njerëzve dhe të familjeve të tyre.