Për disa, është një imazh grotesk, për të tjerë, një hap përpara drejt transformimit të Benidormit në Majemin e Mesdheut. Sidoqoftë, pas 17 vitesh vonesa, qiell gërvishtësja Intempo, më në fund ka përfunduar. AJo është 187 metra e lartë dhe kjo e bën ndërtesën më të lartë me apartamente banimi në Bashkimin Evropian. Kullat e saj binjake mbajnë po ashtu edhe ashensorin më të shpejtë në spanjë që ngrihet në një shkallë prej 4.2 metrash në sekondë dhe mund të arrijë katin më të lartë në vetëm 52 sekonda. Qiellgërvishtësja e resortit Costa Blanca, mund të rivalizojë ato në Mahnattan apo Hong Kong dhe 47 katet e Intempo-s lënë në hije gjithcka tjetër. Kullat janë të lidhura në majë nga një strukturë në formë diamanti, dhe cmimi i një apartamenti atje është rreth 2 milionë euro. Ndërsa në pjesët e tjera të ndërtesës cmimet fillojnë nga 257 mijë euro. Koha e përfundimit të ndërtesës mund të duket e papërshtatshme, pasi qytetet resorte si Benidorm kanë njohur një rënie drastike të vizitorëve për shkak të pandemisë. Sidoqoftë, 100 nga gjithsej 256 apartamentet e saj janë shitur në avancë. 60 për qind të tyre i kanë blerë spanjollë dhe pjesën tjetër rusë, skandinavë, gjermanë dhe belgë.