Modelja e njohur me origjinë shqiptare Emina Cunmulaj ka nisur pushimet verore me familjarët dhe të afërmit e saj. Këtë vit, modelja ka udhëtuar drejt Malit të Zi, ku ka vizituar me jaht privat vendet bregdetare. Këtë të premte, Emina ka mbërritur në Ulqin, por ka zbuluar se aty nuk ka mundur të ankorojë jahtin e madh me të cilin po udhëton në të gjithë vijën bregdetare. Në një postim në InstaStory, Emina ka zbuluar se në Ulqin, i cili është një vend me një numër të madh shqiptarësh nuk lejohet të ankorohen jahtet e mëdhenj. Ndërsa në vendet e tjera të Malit të Zi ky rregull nuk vlen. Teksa shprehet e revoltuar, ajo thekson se ky është një diskriminim për Ulqinin i cili do të mund të zhvillohej shumë më shumë duke shfrytëzuar maksimalisht vijën e tij bregdetare. “A është ky një ligj apo agjencitë e jahteve kanë futur në listë të zezë Ulqinin? Do arrij në krye të kësaj çështje, sepse nuk është e drejtë dhe nuk është korrekte. Pse nuk mund ta ankoroj jahtin tim në Ulqin?”, shkruan Emina. Modelja shprehet se në qoftë se kjo gjë ndalohet të gjithë turistët do të shkojnë në bregdetin verior, duke ulur kështu ekonominë e Ulqinit.