Kombëtarja shqiptare ka mësuar këtë të premte fatin e saj për kualifikueset e botërorit 2026 që do të mbahet në SHBA, Meksikë dhe Kanada në shortin e hedhur nga FIFA në Zyrih të Zvicrës. Skuadra kuqezi e drejtuar nga Sylvinho ndodhej në vazon e tretë të këtij shorti, që deshi ta vendosë në grupin K, ku një prej skuadrave kundërshtare do të jetë pikërisht Serbia. Një përballje kjo që na kthen 10 vjet prapa në kohë teksa na vijnë në mendje ngjarjet tronditëse të 14 tetorit 2014 kur sfida mes këtyre dy skuadra u mbyll me një zënkë të fortë masive pas shfaqjes së një droni me banderolën Autochtone. Po kështu në Grupin K, Kombëtarja shqiptare do të përballet edhe me Anglinë, ndërkohë që dy kundërshtaret e tjera të saj do të jenë Letonia dhe Andorra. Ndeshjet kualifikuese të Botërorit do të nisin në muajin mars të vitit të ardhshëm