Kombëtarja shqiptare do të nisë mbrëmjen e së shtunës aventurën e saj në Nations League me sfidën ndaj Bjellorusisë, një ndeshje që do të transmetohet në platformën Digitalb. Trajneri Maran u shfaq në konferencën për shtyp në prag të kësaj ndeshjeje ku vlerësoi kundërshtarët e tij, por vuri në dukje dhe kualitetet e kuqezinjbe Bjellorusia ka treguar se është skuadër kompakte e fortë, po bën një rrugëtim të mirë dhe kemi shumë respekt për këtë skuadër, këtij ekipi që do zbresë në fushë. Por përtej kësaj, ndalem këtu, se jam mësuar të përqendrohem te ekipi im që është përgatitur në mënyrë fantastike. Kam parë dëshirën për të punuar dhe për të gjetur stimujt e duhur përtej kundërshtarit, për mua kjo është gjëja më e rëndësishme, që të përqendroheshim te cilësitë tona. Cilësinë tonë të karakterit e kam parë, kam parë sy të ndryshëm, kam parë dëshirë për të bërë, për të provuar e gabuar, por për të gabuar në aspektin që të mund të përmirësohemi.