Mbrojtësi i Kombëtares shqiptare, Mario Mitaj, është rikthyer pas një kohe të gjatë në shtëpinë e vjetër të gjyshërve të tij në Malësinë e Madhe. Futbollisti i Genoa-s ka ndarë me ndjekësit e tij në rrjetet sociale disa momente shumë emocionale dhe pamje nga kjo shtëpi plot kujtime. Në statusin e tij, ai ka shkruar: “Disa momente të bukura, sërish në shtëpinë e vjetër pas një kohe të gjatë”. Kjo vizitë tregon edhe një herë lidhjen e fortë që Mitaj ka me origjinën dhe rrënjët e tij familjare. Ky udhëtim vjen vetëm pak ditë pasi ai bëri një gjest të madh human, duke dhuruar 5,000 dollarë për një familje në nevojë në Vermosh të Malësisë së Madhe. Në aspektin futbollistik, Mitaj nuk po kalon momentet më të mira të karrierës te Xhenoa, duke u aktivizuar jo gjithmonë si titullar. Megjithatë, te kombëtarja Mitaj shihet si i pazëvendësueshëm nga trajneri Maran, që vetëm në ndeshjen ndaj Bjellorusisë e futi si zëvendësues në pjesën e dytë.