Top News – Na kanosen variante më vdekjeprurëse/ OBSH-Ta ndalim Covid 19 përpara këtyre mutacioneve

“Varianti Delta i COVID-19 është një paralajmërim për botën për të shtypur virusin shpejt para se të pësojë mutacione sërish për t’u shndërruar në diçka edhe më të keqe,” tha të premten OBSH. Varianti më i ngjitshëm u vërejt së pari në Indi. Tashmë është shfaqur në 132 vende dhe është pjesërisht përgjegjës për rritjen prej 80 për qind të vdekjeve nga koronavirusi në Afrikë në katër javët e fundit. “Delta është një paralajmërim se virusi po evoluon, por është edhe një thirrje për veprim para se të krijohen variante më të rrezikshme,” tha drejtori i emergjencave në OBSH, Michael Ryan.