Më në fund Rezarta Shkurta dhe Ermal Hoxha i thanë ‘Po’ njëri tjetrit. Ashtu siç kishin lajmëruar, çifti i famshëm vendosën të kurorëzonin dashurinë e tyre me martesë. Dasma e mrekullueshme u zhvillua në një anijë në Vlorë, ku miq e të afërm ishin të ftuar të gëzonin në ditën e shënuar të Rezartës dhe Ermailit. Përmes disa fotove dhe videove në Instagram, Rezarta ndau pjesë nga ambjenti i ngrohtë ku po ndodhte kurorëzimi, ku protagoniste kryesore ishte vajza e tyre Hera. Mes postimeve në Instastory, partneri i saj Ermali shihet teksa kërcen me mamanë e tij dhe i puth dorën. “Një princ rritet nga një mbretëreshë”, ka shkruan Rezarta. Rikujtojmë se Ermali i propozoi Rezartës për martesë në Dubai në janar të vitit 2019. Çifti kishte planifikuar të martohej në vitin 2020, por për shkak të pandemisë, planet ndryshuan.