Qyteti i Mitrovicës, por edhe territori i Kosovës në përgjithësi, përbën një rajon me aktivitet sizmik relativisht të lartë. E gjithë pjesa veriore e Kosovës, në të shkuarën është goditur me tërmete me magnitudë nga 5.8 deri në 6.1 ndërsa ekspertët parashikojnë edhe tërmete të forta në të ardhmen. Por ndërtuesit, nënvizojnë se në rast të një tërmeti të fortë, ndërtimet në Mitrovicë janë të rrezikuara për shkak të cilësisë së dobët dhe mungesës së kontrollit. Ndërsa qytetarët liten të mos ndodhë ndonjë tërmet i ngjashëm me ata në Turqi, përndryshe e gjithë Mitrovica do rrafshohet. Sizmiologu Shyemsi Mustafa, drejtues i rrjetit sizmiologjik të kosovës, thotë se bazuar në forcën sizmike dhe energjinë e cliruar përmes valëve, rreziku sizmik nuk ndan zona me qytete apo me një sipërfaqe të vogël. Ai thotë se zonat sizmike përfshijnë sipërfaqe me mijëra kilometra katror ndaj nuk duhet injoruar rreziku. Ndërsa xhelal lushta, inxhinier në Mitrovicë, thotë se ndërtesat ku ai banon, janë të gjitha të rrezikuara në rast tërmeti të fortë.