Këngëtari i njohur Justin Bieber thuhet se i ka dhënë fund miqësisë me reperin Kanye West pasi ky i fundit ‘sulmoi’ bashkëshorten e tij, Hailey Bieber, në rrjetet sociale. Burimet thanë për TMZ se Justin dhe Hailey janë të lënduar nga komentet e West sidomos Justin i cili ka qenë gjithmonë një mbështetës i “flaktë” i reperit. Në fillim të kësaj jave, West sulmoi Hailey-n pasi ajo mbrojti redaktoren e ‘Vogue’ për kritikat ndaj bluzave “White Lives Matter”. West i kërkon Bieber që ta ndalojë të dashurën e tij përpara se ai të zemërohet me të. Hailey i ishte bashkuar më parë një liste yjesh, përfshirë supermodelen Gigi Hadid, e cila mbështeste po ashtu redaktoren Gabriella pas shpërthimit të çuditshëm të Kanye. Burimet thanë për TMZ se Hailey dhe Justin mendojnë se West “e kapërceu kufirin” sepse Hailey nuk e përmendi kurrë atë me emër në mbrojtje të shoqes së saj.