Një incident diplomatik është krijuar pas komenteve të presidentit amerikan, Donald Trump në një intervistë për televizionin italian La7, ku pretendonte se kryeministrja italiane, Giorgia Meloni i ishte lutur për një foto në samit dhe se atij i kishte ardhur keq për të. Pas kësaj deklarate të presidentit Trump, ministri i jashtëm italian Antonio Tajani njoftoi anulimin e një udhëtimi të planifikuar në Shtetet e Bashkuara, ku do të takohej edhe me Sekretarin e Shtetit Marco Rubio. Tajani i quajti pretendimet e Trump fyese, ndërsa Meloni tha se ato ishin plotësisht të sajuara. Ky moment shënon një përkeqësim të konsiderueshëm të marrëdhënieve midis dy udhëheqësve që dikur ishin mjaft të afërt.