Ish-kryeministri Sali Berisha, komentoi intervistën e Zëvendësndihmës Sekretarit Amerikan të Shtetit Gabriel Escobar, dhënë për Top Story. Sipas Berishës, intervista ka konfirmuar qëndrimin e tij të mëparshëm, ku qe shprehur se i ka pëlqyer kjo vizitë, që për ish-kryeministrin flet për situatën në të cilën gjendet kreu i qeverisë. SINK Cila ishte kryefjala e intervistës së tij? Ishte një: e pyetur nga gazetarja për problemin e Ramës me McGonigal, ai u përgjigj se nuk komenton për një çështje penale e hapur. E di çfarë do të thotë çështje penale e hapur? Do të thotë derë e burgut e hapur. Një derë qelie e hapur për Edi Ramën. Berisha shkoi edhe më tej teksa u shpreh se nuk ka kërkuar heqjen e ‘non gratas’, por çështjen e ka dërguar në gjyq. Sipas tij Escobar parashikon fitoren e tij në zgjedhje. SINK E dyta, ai ishte një lajm shumë interesant. Edhe në rast se fiton, tha, pra parashikon fitoren time. Unë e vlerësoj këtë. Unë u thashë se në kryeqytetet e Europës dhe botës po binden për rikthimin e fuqishëm të Sali Berishës dhe fitoren e PD-së. Ndërkohë referuar financimeve për fushatën zgjedhore, Berisha theksoi se po bëhet në bazë të kontributeve vullnetare dhe se deri më tani vetëm një për një sallë ka paguar, teksa të tjerat janë ofruar pa pagesë nga bashkitë.