Qeveria e Kosovës ka miratuar të enjten masat e reja për luftën kundër koronavirusit. Në mesin e masave është përfshirë edhe dëshmia për vaksinim kundër këtij virusi për të hyrë në klubet e natës, diskoteka, dasma dhe ceremoni të tjera familjare me mbi 100 persona, nga data 20 gusht deri më 10 shtator. Në mungesë të dëshmisë për vaksinim, duhet të prezantohet testi negativ në koronavirus, jo më i vjetër se 72 orë, testi antigjen jo më i vjetër se 48 orë, ose dëshmia për tejkalim të koronavirusit brenda 180 ditëve.