Gjykata e Posaçme ka kaluar për gjykim dosjen e 7 të pandehurve të akuzuar për trafik të mjeteve motorike, 3 nga të cilëët ish-punonjës policie. Pak javë më parë, Prokuroria e Posaccme mbylli hetimet për këtë dosje, duke akuzuar shtetasin Selaudin Shahini si kreu i grupit kriminal, i cili akuzohet për trafik të mjeteve motorike dhe grup të strukturuar kriminal. Ndërsa 6 të pandehurit e tjerë janë Ndriçim Shahini, Ervis Cara, Endi Ahmetaj, Vojsava Doda, dhe Aurel Shatri, të cilët akuzohen për të njejtat vepra penale. Këta persona gjatë muajit shkurt 2022 siguronin mjete të vjedhura në Republikën e Kosovës dhe më pas i kanë trafikuar në territorin e Republikës së Shqipërisë nga pika Kufitare e Morinës me targa që I përkisnin mjeteve të targuara dhe të regjistruara në Shqipëri. Selaudin Shahini, në bashkëpunim me lidhje të tij familjare dhe shoqërore, kishte krijuar një rrjet personash që trafikonin mjete motorike nga Kosova për në Shqipëri. Ai bashkëpunonte me kushëririn e tij Ndriçim Shahinin si dhe me një të njohuren e tij, Vojsava Voda.