Lideri autoritar në Bjellorusi Aleksandar Lukashenko, ka mohuar pretendimet se shërbimet e tij të sigurisë janë të përfshira në vdekjen e disidentit Vitaly Shishov, i cili u gjet i varur në Ukrainë javën e kaluar. “Kush ka qenë ai për mua dhe Bjellorusinë? Për ne, ai ka qenë thjesht askush”, u ka thënë Lukashenko gazetarëve, bën të ditur BBC. Shishov ka qenë duke organizuar ndihmë për bjellorusët që kanë ikur në Ukrainë nga Lukashenko, i cili ka shtypur protestat që pasuan zgjedhjet e manipuluara një vit më parë. Shtetet e Bashkuara dhe Mbretëria e Bashkuar janë duke zhtuar masat ndaj Bjellorusisë, duke vendosur sanksione ekonomike. Lukashenko dhe ndihmësit e tij veçse janë nën sanksionet e Perëndimit. Protestat kundër Lukashenkos kanë nisur një vit më parë. Disa javë të protestave kanë qenë sfida më e madhe për drejtimin 27-vjeçar të Lukashenkas si president. Vitin e kaluar, policia ka ndaluar mijëra protestues teksa ka tentuar të shuajë protestat me topa uji dhe gaz lotsjellës. Opozita ka thënë që më shumë se 600 të burgosur politikë janë ende nëpër burgje.