Miku i Vladimir Putinit, presidenti bjellorus Aleksander Lukashenko, ka paralajmëruar perëndimin se po rrezikon Luftën e tretë botërore përmes dërgimit të armëve në Ukrainë. Lukashenko e bëri pretendimin ndërsa ai u takua me presidentin rus, të cilin ai e ka mbështetur në pushtimin brutal të Ukrainës. Në një letër drejtuar sekretarit të përgjithshëm të Kombeve të Bashkuara, Lukashenko ka thënë se Bjellorusia i kërkon vendeve të botës të bashkohen dhe të ndalojnë konfliktin rajonal në Evropë që të përshkallëzohet në një luftë të plotë botërore. Ndërsa putin dhe Lukashenko u takuan, televizioni rus edhe një herë tjetër kërcënoi ukrainën duke thënë se ajo është e gatshme të nisë një luftë bërthamore para se të pranojë disfatën. Lukashenko, që është quajtur më herët diktatori i fundit i evropës, i ka qëndruar besnik Putinit përballë dënimit thuajse universal të pushtimit të ukrainës nga ana e tij dhe të dy ata u takuan këtë javë. Në letrën drejtuar Guterresit ndërkohë, Lukashenko thotë se e vetmja mënyrë për të siguruar paqen është që bota të heqë dorë nga furnizimet me armë për ukrainën.