Në shtëpinë më të famshme në Shqipëri kanë vijuar bisedat për nominimin e kësaj jave. Të gjithë banorët janë mbledhur bashkë në oborrin e shtëpisë, aty ku kanë shkëmbyer edhe batuta me njëri-tjetrin. Këngëtari Luiz Ejlli ka qenë ai që ka ngacmuar Antonetën, e cila këtë javë është në televotim. Ai i ka thënë banores që e vetmja gjë që mund ta shpëtojë është lidhja e saj me një djalë në shtëpi. Luizi nuk ndalet dhe këshillon Antonetën të krijojë një romancë me Shpatin dhe se kjo strategji do ta mbajë atë gjatë në shtëpi. Ky koment është shoqëruar me batuta dhe të qeshura mes të gjithë banorëve. Në lojën e zinxhirit të nisur nga Kiara, Shpati, Luizi dhe Elvisi do të jenë në nominim këtë javë.