Deklarata e fundit e Feros ku lajmëroi se do largohet përfundimisht nga muzika për t’iu përkushtuar fesë islame, publikut iu është shtuar kurioziteti për të rejat në jetën e tij. Ky lajm i papritur shokoi ndjekësit e tij dhe opinionin publik, pasi erdhi në një moment kur reperi po kalon në procedura divorci me Arbenita Ismajlin, modelen e njohur me të cilën ka edhe një vajzë. Fero postoi një foto, ku tregohej se gjysmë milioni njerëz, e kishin parë në ‘instastory’. E si për të treguar se kurioziteti i njerëzve është bërë akoma më i madh, edhe ndjekësit e tij kanë kaluar shifrën e 600 mijë ndjekësve.