Zëdhënësja e MPJ-së ruse, Maria Zakharova, ka deklaruar se kryeministri i Kosovës, Albin Kurti, dhe presidenti i Ukrainës, Volodymyr Zelensky, janë nazistë. Në një opinion të saj në kanalin zyrtar të ministrisë së jashtme në Telegram, e të shpërndarë më pas edhe në Tëitter, Zakharova thotë se Kurti dhe Zelensky vetëm pretendojnë se e kundërshtojnë etiketimin si neonazistë, duke thënë se së shpejti ata do ta pranojnë këtë. “Në fund të fundit, të gjithë ata Kurti, Zelensky dhe të tjerë që pëlqejnë të këndojnë Lavdi Ukrainës vetëm pretendojnë se kundërshtojnë të etiketohen si neo-nazistë. Unë mendoj se ata së shpejti do të thonë: Po, ne jemi nazistë, por çfarë mund të bëni për këtë?” – thotë zëdhënësja e ministrisë së jashtme ruse.