Mungesa e lëvizjes jashtë shtetit për shkak të pandemisë ka bërë që shumë qytetarë të orientohen drejt blerjeve online, në shumë rasteve edhe përmes kartave bankare. Ka një rritje të numrit të këtyre blerjeve në pamundësi për të udhëtuar drejt qendrave europiane, e sidomos në fundvitit, kur krishtilindjet dhe viti i ri janë më së shumti periudhat e dhuratave. Prej vitesh shqiptarët janë bërë pjesë e blerjeve online përmes kartave bankare. Por, një gjë e tillë ka shtuar edhe rritjen e krimeve kompjuterike. Sot vjedhjet më të shpeshta po bëhen online, pasi ka një numër të lartë faqesh të blerjeve, nga ku hakerat mund të vjedhin informacionet e kartave. Pjesa më e vështirë është se informacioni i vjedhur nuk kapet në kohë, mund të kuptohet ditë më vonë, por edhe mund të zgjasë me vite pa u kuptuar se dikush po vjedh të dhënat bankare në mënyrë të vazhdueshme. Policia, në këshillat e saj bën të ditur dhe madje kërkon që qytetarët të blejnë në adresa të sigurta dhe të njohura. Autoritetet gjithashtu u kujtojnë qytetarëve që të sigurohen që blerja mund të anulohet përpara se të jepen të dhënat e kartës bankare. Një tjetër pikë ku kërkohet vëmendje nga ana e qytetarëve është ruajtja e detajeve të blerjeve, si fatura, apo kthime përgjigjesh nga kompanitë që veprojnë jashtë vendit. Ndonëse shumica e kartave të kreditit kanë një politikë të fortë të mbrojtjes së klientit, policia thonë se nëse nuk merrni atë që keni porositur, kërkoni rimbursim. Por mbi të gjitha, policia thotë se nëse nuk jeni duke e blerë një mall, apo një shërbim specifikik mos jepni të dhënat e kartës tuaj bankare, as paradhënie, si dhe një kontroll të bilancit të kartës pas cdo blerje online