Kanë mbërritur në Rinas 121 afganët e pare, të cilët fluturuan me avion civil nga Tbilisi. Mësohet se një pjesë e 121 afganëve kanë punuar për organizatën ‘Shoqëria e Hapur’, ndërkohë pjesa tjetër janë aktorë, anëtarë të shoqërisë civile bashkë me familjet e tyre. Ata shkelën në tokën shqiptare në orën 03:20 të mëngjesit të së premtes dhe ems tyre ishin edhe 11 foshnja. Me çanta mbi shpina, e fëmijët në duar, fillimisht afganët i janë nënshtruar përpunimit të të dhënave individuale, regjistrimit dhe më pas ekzaminimeve mjekësore në çadrat e ngritura në Rinas posaçërisht për ta.