Kuvendi i Kosovës ka shkarkuar anëtarët e Bordit të Radiotelevizionit të Kosovës. Votimi për shkarkimin e anëtarëve është bërë për secilit anëtarë veç e veç. Opozita ka kundërshtuar shkarkimin e anëtarëve të Bordit të RTK-së, duke thënë se është një shkarkim politik dhe me qëllim që të kontrollohet bordi i ri që do të emërohet. Anëtarët e shkarkuar janë kryetar Sali Bashota, anëtarët Agron Gashi, Lirim Geci, Fadil Miftari, Ilir Bytyçi, Bajram Mjeku, Petrit Musolli, Albinot Maloku. Në rend të ditës është edhe shqyrtimi i kërkesës së Komisionit për Bujqësi, Pylltari, Zhvillim Rural, Mjedis, Planifikim Hapësinor dhe Infrastrukturë për ndryshimin e emërtimit të këtij komisioni, si dhe zgjedhja e drejtorit të Autoritetit Rregullator për Shërbimet e Ujit. Këto pika kanë mbetur nga seanca e djeshme që përfundoi me dakordësimin e të gjitha grupeve parlamentare.