Policia e Kosovës ka bërë me dije se ka mbyllur një zyre ilegale të Serbisë në veri të Kosovës, e cila ka shërbyer si komunë paralele serbe. Sipas policisë Prokuroria ka urdhëruar që provat materiale që u gjenden në këtë zyre të sekuestrohen dhe zyra të mbyllet, ndërsa personat përgjegjës të intervistohen”. Shefi i Zyrës për Kosovën në qeverinë e Serbisë, u shpreh se ky veprim është në kundërshtim të drejtpërdrejtë me të gjitha marrëveshjet dhe ecurinë e dialogut të ndërmjetësuar nga BE-ja”. Më tej në reagim thuhet se ky është institucioni I dhjetë që mbyllet ilegalisht nga autoritetet e Prishtinës. Sipas, Zyrës serbe, këto insitucione janë baza të formimit të Asociacionit të komunave serbe, dhe se autoritetet e Kosovës nuk po përmbushin detyrimet që rrjedhin nga marrëveshja e Brukselit. “Gaboni nëse mendoni se Beogradi do të heqë dorë ndonjëherë nga kërkesa për formimin e Asociacionit të komunave me shumicë serbe”, thuhet më tej në reagim.