Top News – Kina dhe Rusia, bashkë kundër SHBA / Stërvitje masive me 10 mijë trupa, mesazh perëndimit

Kina dhe Rusia kanë bashkuar forcat dhe po zhvillojnë stërvitje të mëdha, në një demonstrim uniteti ndaj perëndimit, duke ndezur frikën për një konfrontim të ri. Kjo vjen ndërsa tensionet në rritje me SHBA-në dhe shqetësimi në rritje për avancimin e talibanëve në Afganistan, i ka bashkuar akoma më tej të dyja vendet. Rreth 13 mijë trupa nga ushtria popullore e Kinës dhe ushtria ruse morën pjesë në stërvitjen e zhvilluar në Kinën veri perëndimore. Stërvitja ushtarake reflekton lidhjen gjithnjë e më të ngushtë mes pekinit dhe moskës dhe është një përpjekje sfiduese për të provuar aleancën e tyre ndaj forcave perëndimore. Mediat ruse kanë nënvizuar se qëllimi është specifikisht të kundërshtohet presioni në rritje nga perëndimi, vetëm një javë pasi mijëra marinsa dhe marinarë morën pjesë në stërvitjen më të madhe të marinës amerikane në 40 vite. Stërvitja që duhej të provonte gadishmërinë e amerikës për konflikt të mundshëm global, shënon një rikthim në stërvitjet e ngjashme të luftës së ftohtë, të parë gjatë viteve 1980-të. Mendohet se 36 anije dhe më shumë se 50 njësi virtuale morën pjesë në mision, sipas Defence Post.