Në shtëpinë e “Big Brother VIP”, pas lidhjes së Luizit dhe Kiarës një tjetër çift duket se po krijohet. Kristi dhe Keisi e kanë shprehur në një lloj mënyre pëlqimin që kanë për njëri-tjetrin. Ndërkaq, mbrëmjen e së dielës, Keisi dhe Kristi kanë dhënë edhe puthjen e parë në buzë e cila erdhi në kuadër të një loje me dënime. Mes tyre nuk kanë munguar prekjet, ngacmimet, por edhe flirtimet. Por Luizi është banori që i ngacmon më shumë cciftin e ri që po krijohet brenda shtëpisë më të famshmë. Luizi, i cili i kishte përballë, i paralajmëroi çiftin që të kishin kujdes me veprimet. Me humor, ai i tha Keisit se ‘babi Sabi’ po e shikon. Çifti qeshi me këtë batutë, ndërsa Keisi vijoi duke thënë se ‘babi Berti’ do jetë shumë krenar për to.