Pak ditë më parë, këngëtarja Lady Gaga u trondit nga vjedhja e 2 qenëve bulldogë francezë, por mesa duket makthi i erdhi fundi. Qentë të cilët ishin grabitur u gjetën të sigurtë pasi janë dorëzuar në polici, por autorët e rrëmbimit janë akoma në arrati. Kujdestari i qenëve u plagos pak ditë më parë nga dy burra që rrëmbyen qentë e këngëtares. Ai momentalisht ndodhet në spital dhe familja e tij është në pritje të shërimit plotësisht të tij.Këngëtarja Gaga habiti të gjithë më kërkesën e saj pasi ofroi plot 500 000 dollarë për këdo që i gjente. Mesa duket metoda ka rezultuar mjaft efektive dhe brenda një kohe shumë të shkurtër qentë Koji dhe Gustav janë në krahët e këngëtares. Detajet për mënyrën se si u gjetën qentë janë ende të paqarta, por mësohet se një ata u dorëzuan nga një grua në një stacion e policisë së Los Anxhelosit. Këtë gjë e kanë bërë të ditur vetë përfaqësuesit e këngëtares të cilët rrëfyen se këngëtarja kur e mori vesh lajmin shpërtheu në lot gëzimi.