Ervis Dervishi, 32 vjeç, i shpallur në kërkim ka rënë në prangat e policisë, pasi akuzohet se në bashkëpunim me vëllanë e tij, ka kërcënuar një shtetas tjetër tu jepte një shumë të madhe parash Konkretisht në vitin 2023, në bashkëpunim me vëllanë e tij i arrestuar më parë, dyshohet se kanë kanosur një shtetas 34 vjeç, që ai t’iu jepte shumën 200 000 euro. Kjo shumë parash dyshohet se rrjedh nga veprimtari të përbashkëta kriminale në fushën e narkotikëve, të kryera jashtë vendit. Ervis Dervishi ishte shpallur në kërkim kombëtar, pasi Gjykata e Shkallës së Parë e Juridiksionit të Përgjithshëm Elbasan i ka caktuar masën e sigurisë arrest në burg, për veprat penale shtrëngimi me anë të kanosjes ose dhunës për dhënien e pasurisë, kryer në bashkëpunim, dhe prodhimi dhe mbajtja pa leje e armëve, armëve shpërthyese dhe municionit.