Megan Fox konsiderohet si femra më e bukur në botë, por për shkak të diagnozës së saj, ajo e konsideron veten të shëmtuar. Në një intervistë të re, aktorja përshkroi se si çrregullimi i saj mendor, u shfaq në fëmijërinë e saj. Ky çrregullim është një obsesion me disa pjesë të trupit, aq i fortë sa që personi shikohet në pasqyrë çdo orë. Ajo shqetësohet për pamjen e jashtme dhe më së shpeshti fokusohet te fytyra apo flokët, shpesh te lëkura në përgjithësi. Pjesë kritike të trupit mund të jenë edhe gjoksi apo stomaku. “Unë kam dismorfi trupore. Unë kurrë nuk e shoh veten ashtu siç më shohin të tjerët. Nuk ka kurrë një pikë në jetën time ku mund ta doja trupin tim”, tha Fox në një intervistë. Aktorja ka folur për dismorfinë trupore dhe probleme të tjera të shëndetit mendor në të kaluarën.