Luftëtarët talibanë mund ta rrethojnë dhe bllokojnë kryeqytetin afgan, Kabul, brenda 30 ditësh dhe ka të ngjarë të jenë në gjendje ta marrin nën kontroll brenda 90 ditësh, tha një zyrtar amerikan i mbrojtjes, duke cituar analiza të zbulimit amerikan, ndërkohë që talibanët kanë shënuar përparim në fushata në mbarë vendin. Zyrtari, tha të mërkurën se analiza e re lidhur me rënien e mundshme të Kabulit bazohet tek përparimet e shpejta që kanë bërë talibanët ditët e fundit, para se të largohen plotësisht forcat amerikane. "Ky nuk është një konkluzion i prerë,” tha zyrtari, duke shtuar se forcat afgane të sigurisë mund t’ua presin hovin talibanëve nëse shtojnë qëndresën. Talibanët tani kontrollojnë 65% të Afganistanit.