Në një dalje publike në Nju Jork, Johnny Depp, i ka habitur të gjithë me pamjen e tij. Këtë fundjavë, aktori i njohur u shfaq shumë ndryshe nga si e kemi parë herët e tjera. Siç vihet re nga fotografitë e publikuara në mediat e huaja, Depp u shfaq pa mjekër, me syze dielli blu reflektuese dhe një kapelë, teksa firmosi autografe dhe bëri “selfie” me fansat jashtë Teatrit Capitol në Port Chester, përpara koncertit të mikut të tij muzikant Jeff Beck. Aktori i famshëm i Hollywood-it ka qenë bashkë me Beck për turne në Mbretërinë e Bashkuar që nga fundi i gjyqit të tij për shpifje kundër ish-bashkëshortes së tij Amber Heard. Depp aktualisht është në lidhje me Joelle Rich, e cila ishte një nga avokatët mbrojtës që e përfaqësoi atë në padinë e tij për shpifje në vitin 2018 kundër Sun. Ndërkohë që nga ana tjetër, thuhet se Amber Heard ka ndryshuar emrin dhe po jeton në një fshat larg gjithë vëmendjes.