Ura historike e Holandës, pritet të cmontohet në javët e ardhme, duke mundësuar kështu kalimin e jahtit supper luksoz dhe gjigand të miliardeit të njohur Jeff Bezos. Super jahti gjigand është i saporënduar dhe vlera e tij kap shifrën marramendëse 500 milionë euro. Miliarderi i Amazon thotë se do ti mbulojë vetë të gjitha shpenzimet që do të krijon si pasojë e cmontimit të urës. Jahti 127 metra i gjatë Y721 do të jetë jahti më i madh me vela në botë kur të përfundojë këtë vit në Holandë, duke kapërcyer anijen më të madhe aktuale të pasagjerëve Sea Cloud. Ai aktualisht po ndërtohet në kantierin e anijeve në Alblasserdam në perëndim të Holandës, por për të dalë në det ura ikonë Koningshavenbrug në Roterdam, e njohur për vendasit si De Hef, do të duhet të “çmontohet”. Më interesant është fakti se kur ura u rinovua në vitin 2017, këshilli lokal u zotua se nuk do të çmontohej më. Megjithatë, sipas transmetuesit holandez Rijnmond, ky premtim është vendosur të thyhet për të akomoduar anijen gjigante të Bezos, me themeluesin e Amazon që premton të mbulojë kostot e nevojshme për punën.