Shtatë pjesëtarë të Brigadave të Kuqe janë arrestuar në Francë me kërkesën e Italisë. Operacioni është njoftuar nga Elizeu. Tre brigadistë të tjerë janë në arrati ndërkohë. Të 10 ata akuzohen për akte terroriste të kryera në vitet 70-80. Mes të arrestuarve është edhe Xhorxhi Pietrostefani, nga Lufta Vazhdon. Në pranga kanë përfunduar edhe enzo kalviti, xhovani Alimonti, roberta cappelli, marina petrella dhe serxho tornagi, të gjithë pjesëtarë të brigadave të kuqe. Ndërsa në arrati rezultojnë luixhi Bergamin, Maurizio di Marzio dhe Raffaele Ventura. Shtatë ish brigadistët janë arrestuar të gjithë në paris. Operacioni u krye nga antiterrorizmi i policisë kombëtare franceze në bashkëpunim me shërbimin e bashkëpunimit ndërkombëtar të Kriminalpol, antiterrorin e policisë italiane dhe ekspertët për sigurinë të policisë italiane në kryeqytetin francez. Brigadat e kuqe ishin një organizatë e armatosur e ekstremit të majtë dhe grup terrorist, përgjegjëse për shumë incidente të dhunshme, përfshirë rrëmbimin dhe vrasjen e ish kryeministrit Aldo Moro. Të krijuara në 1970, brigadat e kuqe tentuan të krijonin një shtet revolucionar dhe ta largonin italinë nga NATO. Organizata mori emër në vitet 1970 dhe fillimin e viteve 1980, me aktet e dhunshme të sabotazhit, grabitjet e bankave, rrëmbimet dhe vrasjet. Aro 50 persona u vranë në sulme mes vitit 1974-1988.