Korpusi i Gardës Revolucionare Islamike të Iranit ka ngritur qeliza të reja sekrete në Irak për të kryer sulme me dronë ndaj vendeve të Gjirit që strehojnë forca amerikane, raportoi Reuters duke cituar tetë burime irakiane të sigurisë dhe milicive. Sipas burimeve, mes 20 prillit dhe 17 majit, këto grupe kanë kryer të paktën shtatë sulme me dronë, duke synuar Kuvajtin, Arabinë Saudite dhe Emiratet e Bashkuara Arabe. Qelizat përbëhen nga luftëtarë irakianë dhe veprojnë jashtë strukturave tradicionale të milicive pro-iraniane. Burimet e Reuters thonë se krijimi i këtyre grupeve përfaqëson një ndryshim në strategjinë e Teheranit, i cili synon të ruajë ndikimin rajonal ndërsa rrjeti i aleatëve të tij është dobësuar pas konflikteve në Gaza, Liban, Siri dhe Jemen. Disa prej milicive kryesore irakiane kanë sinjalizuar ndërkohë gatishmëri për t’u çarmatosur dhe për t’u fokusuar në politikën e brendshme. Objektivat e sulmeve dyshohet se kanë përfshirë Bazën Ajrore Ali Al Salem në Kuvajt, ku ndodhen trupa amerikane, si dhe instalime të tjera ushtarake, teksa rabia Saudite dhe Emiratet pretendohet se kanë interceptuar disa nga dronët.