Komuniteti Mysliman i Shqipërisë, zhvilloi të enjten iftarin e parë për fillimin e muajit të shenjtë Ramazan. Në këtë iftar kryetari i KMSH, Bujar Spahiu, kishte ftuar një sërë zyrtarësh të lartë të vendit, mes të cilëve edhe ambasadorja e Shteteve të Bashkuara të Amerikës në Tiranë, Yuri Kim. Por një tjetër fakt që ka rënë në sy dhe është komentuar gjerësisht në rrjet, është se ky iftar është bërë shkak për të bërë bashkë edhe kundërshtarët politikë. Kësisoj, në këtë tryezë, së bashku me ambasadoren Yuri Kim, ishin edhe Kryebashkiaku i Tiranës, Erion Veliaj, kryetari i komanduar i PD, Enkelejd Alibeaj, kreu i grupit parlamentar Socialist Taulant Balla, ministrja Elisa Spiropali dhe kryetari i Partisë së Lirisë, njëherësh ish-presidenti Ilir Meta dhe presidenti aktual Bajram Begaj.