Jennifer Aniston ka disa miq të mir që i janë gjendur pranë në momentet më të vështira të jetës së saj. Në një intervistë aktorja ka treguar se miku i saj Adam Sandler e ka mbështetur në momentet e saj më të vështira. Duke folur për Sandlerin dhe kohën e tyre duke filmuar Murder Mystery së bashku në vitin 2019, Aniston tha se Sandler dhe gruaja e tij, i kanë dërguar lule Ditën e Nënës që kur mësuan se ajo po përpiqej të kishte një fëmijë. “Po përpiqesha të mbetesha shtatzënë. Ka qenë një rrugë e vështirë për mua”, tha ajo, duke shpjeguar se bëri IVF, pinte “çajra kinezë” dhe “bëri gjithçka” për të mbetur shtatzënë. Megjithatë, nuk funksionoi. “Do të jepja çdo gjë nëse dikush do të më thoshte: ‘Ngrini vezët. Bëjini vetes një nder. Ju thjesht nuk mendoni për këtë. Kështu që ja ku jam sot. Anija ka lundruar”. Pamjet: AFP