Jahmil French, i njohur për rolin e tij në serialin për adoleshent “Degrassi” ka ndërruar jetë në moshën 28-vjeçare. “Me një zemër të rëndë unë konfirmoj vdekjen e një miku dhe klienti të dashur, Jahmil French. Ai do të mbahet mend nga shumë njerëz për pasionin e tij për artet, angazhimin e tij dhe personalitetin e tij të gjallë. Unë kërkoj që të mbani familjen dhe miqtë e tij në mendimet dhe lutjet tuaja në këtë kohë të vështirë”, tha përfaqësuesi i aktorit të njohur në një deklaratë. Nuk kanë munguar as ngushëllimet për familjen nga ana e aktorëve të famshëm të cilët janë shokuar nga ky lajm tragjik. Ndër to ishte edhe Stefan Brogren, aktori, producenti dhe regjisori kanadez, i cili ishte një anëtar i kastit të serialit “Degrassi”. Ai nuk nguroi të vlerësonte aktorin për performancën e tij në shfaqje.“Ai e interpretoi Dejv me kaq ndjeshmëri dhe mendim dhe mund të më bënte të qeshja. Ishte një kënaqësi të punoja me të dhe ai do të më mungojë. Kjo është një humbje e madhe”, shkroi Brogren.