Në botën e modës jemi mësuar që kryesisht të shohim vetëm modele të bukura e me forma trupore perfekte, po së fundmi disa emrat më të rëndësishëm të kësaj industrie duan të përfaqësohen me figura të reja, djem dhe vajza të zakonshëm dhe larg imazhit të së përsosurës. Para pak ditësh shtëpia e modës Gucci u përball me kritika se përzgjodhi si modele një vajzë shumë larg steriotipeve të bukurisë, por duket se kjo nuk I ka stepur. Ditët e fundit një tjetër imazh ndryshe i kësaj kompanie lider është edhe 18-vjeçarja, Ellie Goldstein. Gjithsesi këtë herë Gucci nuk ka rrezikuar pasi vajza me sindromën Down ka punuar si modele në kompani të ndryshme. Ajo është me të vërtetë e bukur dhe jo vetëm për t’u parë. Vajza me sindromën Down përcjell vetëm pozitivitet me buzëqeshjen e saj të ëmbël. Qartazi dallohet arsyeja se pse është imazhi i përzgjedhur nga Gucci.