Nëse muzika është ushqimi i dashurisë, duhet luajtur - sidomos kur kufizimet e koronavirusit nuk lënë shumë mundësi të tjera. I ndaluar të vizitojë bashkëshoten e sëmurë në spital, 81-vjeçari Stefano Bozzini vendosi t`I bënte serenatë nga rruga me fizarmonikën e tij. Momenti prekës u filmua nga djali i tyre Maurizio dhe që atëherë është bërë viral. Teksa Carla Sacchi, gruaja e tij prej 47 vitesh, shikonte nga një dritare e katit të dytë të spitalit në Castel San Giovanni, një qytet në rajonin verior të Italisë Emilia-Romagna, Bozzini interpretoi një përzierje këngësh të dashurisë, të cilat I nisi me "Spanish Eyes" të Engelbert Humperdinck, për të vazhduar me të preferuarat e të shoqes. Spitali ku ndodhet e shtruar Carla nuk trajton pacientë me Covid 19, por është prekur padyshim dhe ai nga kufizimet e pandemisë, ndaj vizitorëeve u ndalohet rreptësisht hyrja në ndërtesë. Sipas Ansa-s, Bozzini është një ish anëtar I njësisë malore të ushtrisë italiane, Alpini, ndaj dhe mban atë kapele në kokë. Pamjet: AFP