Izraeli po vijon operacionet në rripin e Gazës. re tymi u ngritën edhe këtë të martë, mbi qytet, ndërsa ushtria ka nxjerrë tanket dhe është në pritje të urdhrit për të nisur pushtimin e plotë. Ndërkohë nga ana tjetër protestuesit që kërkojnë përfundimin e luftës në Gaza dhe kthimin e pengjeve në shtëpitë e tyre dolën në rrugët e Izraelit, përpara se të mblidhej kabineti I sigurisë. Demonstruesit bllokuan rrugët në qendrën tregtare të Tel Avivit, ku valëvitën flamuj izraelitë dhe mbajtën në duar fotografi të pengjeve, raportuan gazetarët e AFP-së. Mediat izraelite thanë se të tjerë u mblodhën pranë degës së ambasadës amerikane në qytet, si dhe jashtë shtëpive të ministrave të ndryshëm. “Kryeministri (Benjamin) Netanyahu i jep përparësi shkatërrimit të Hamasit mbi lirimin e pengjeve”, tha Ruby Chen, djali I së cilës u rrëmbye nga militantët në tetor 2023. "Ai beson se është në rregull dhe është një alternativë e vlefshme të sakrifikosh 50 pengje për nevoja politike", tha ajo në një fjalim në njërën nga demonstratat e së martës. Protestat u përshkallëzian edhe më tej. Javën e kaluar Netanyahu urdhëroi bisedime të menjëhershme që synojnë lirimin e të gjithë robërve të mbetur në Gaza, ndërsa dyfishoi planet për një ofensivë të re për të pushtuar qytetin më të madh të Gazës.