Gazeta britanike “The Guardian” shkruan se qeveria e kryeministrit grek Qiriako Mistotakis mund të rrëzohet nga pushteti pas skandalit të përgjimit të bisedave telefonike të presidentit të PASOK-ut, Nikos Androulakis. Zbulimi i përgjimeve ka tronditur javën e fundit botën e politikës në Greqi, ndërkohë që Mitsotakis është detyruar t’i hapë rrugën ngritjes së një komisioni hetimor. Media britanike e ka konsideruar skandalin e ri si “Ëatergate” grek. Sipas saj, Mitsotakis po kalon periudhën e tij më të vështirë si kryeministër, pasi u zbulua se celulari i kundërshtarit të tij politik, kreut të partisë së tretë më të madhe në Greqi, ishte nën vëzhgim me urdhër të shërbimi inteligjent që raporton në zyrën e tij. Duke përdorur sistemin e monitorimit “Predator”, inteligjenca greke ka përgjuar gazetarë dhe anëtarët e opozitës greke, përfshirë edhe Androulakis, telefoni i të cilit u monitorua për tre muaj para zgjedhjes së tij si lider i PASOK shtatorin e kaluar.