“Serbia po armatoset jo vetëm me armë mbrojtëse, por edhe me armë sulmuese. Duhet t'ua themi këtë aleatëve tanë perëndimorë.” Kështu deklaroi Gordan Jandroković, kryeparlamentari kroat, në një konferencë të ambasadorëve, konsujve dhe atasheve ushtarakë kroatë. Jandroković shtoi se Evropa duhet të forcojë sigurinë e saj dhe shtyllën evropiane të NATO-s, sepse rendi ndërkombëtar po ndryshon. Për dekada, tha ai, kontinenti jetoi duke u mbështetur në garancitë amerikane të sigurisë, gjë që i bëri disa shtete të linin që kapacitetet e tyre mbrojtëse të dobësoheshin. Megjjithatë, forcimi i kapaciteve do të duhet të përkthehet në buxhete, fabrika prodhimi dhe vendime që zgjasin për dekada. Kryetari i Parlamentit kroat u ndal edhe te situata në rajon, duke thënë se Kroacia duhet t’u shpjegojë partnerëve të saj perëndimorë zhvillimet në Ballkanin Perëndimor.