Bota kërkon një arsye për të festuar thuajse gjithcka në cdo ditë të vitit. Dhe kjo e sotmja nuk bën përjashtim. 8 gushti, është një ditë e gëzueshme, vecanërisht për adhuruesit e maceve në të gjithë botën. Ajo është dita ndërkombëtare e maceve. Kjo u vendos në 2002 nga fondi ndërkombëtar i mirëqenies së kafshëve me qëllim që krijesa me pellush që adhurohet nga shumëkush, të kishte një ditë të sajën. Sic e njohim ne, bota është e ndarë në dy lloje adhuruesish kafshësh. Gjysma përbëhet nga adhuruesit e qenve besnikë, dhe gjysma tjetër nga ata që shkrihen pas lajkave dhe përkëdheljeve të maceve. Me sytë e tyre të mëdhenj, pellushin e butë dhe hundët e lezetshme, këto të fundit janë shoqëruese të mira për çdokënd. Duke filluar nga raca siameze tek ajo persiane, për të vijuar me Munchkin dhe burmezen, raca të ndryshme macesh kanë pushtuar zemrat e njerëzve në vijimësi. Macet janë shpesh edhe tema debatesh, vecanërisht kur flitet se kush është kafsha më e dashur e njeriut, ato apo qentë.