Lidhja mes Cristiano Ronaldos dhe Georgina Rodriguez ka marrë një tjetër drejtim. Kjo e fundit do të marrë 100 mijë euro në muaj nëse çifti ndahet, pavarësisht se ata nuk janë të martuar. Duke siguruar në këtë formë edhe të ardhmen e saj financiare. Lajmi për këtë pagesë është bërë i ditur nga Daily Mail pasi qarkulluan zëra se dyshja i kishin dhënë fund marrëdhënies së tyre. Ishte nëna e futbollistit e cila hodhi poshtë spekulimet. Madje ata u panë së bashku në vendlindjen e saj, Spanjë, duke vërtetuar që thashethemet ishin të rreme. Ata janë shpënguluar disa kohësh në Arabi, pasi Ronaldo kaloi si sulmues në Al-Nassr në Ligën Saudite, duke e bërë atë atletin më të paguar në botë. Mesa duket pavarësisht pengesave çifti nuk ka ndërmend të ndahet.