Në fjalimin me rastin e Vitit të Ri, me gjasë fjalimi i fundit për këtë rast, kancelarja gjermane, Angela Merkel, ka pranuar, se këto kohë janë të vështira për Gjermaninë por edhe për botën. "Këto ditë dhe javë, janë kohë të vështira për vendin tonë. Dhe do të jetë kështu për një periudhë. Në 2020-n erdhi tek ne diçka, të cilën bota nuk e kishte llogaritur. Një virus, deri më atëherë i panjohur depërton në trupat tanë, në jetët tona. Ai na godet aty, tek më njerëzorja: në kontaktin e ngushtë, në përqafime, në festime." Pandemia e koronavirusit dhe përballimi i saj sipas fjalëve të Merkel paraqet "detyrën e shekullit në anën politike, shoqërore dhe ekonomike." Në fjalimin tradicional, Merkel i falënderoi qytetarët për besimin dhe durimin e tyre. Kancelarja kujtoi edhe viktimat e pandemisë, e megjithë shpresën për vaksinimin u shpreh për durim dhe qëndrueshmëri. "Për një kohë të caktuar do të varet nga ne, se si do të dalim nga kjo pandemi. Dimri është dhe mbetet i vështirë." Gjithsecili do duhet të japë kontributin e tij për zbutjen e pandemisë. "Ne e dimë, se çfarë mund t'i kundërvemë virusit. Krahas vaksinës, mjetin më efektiv e kemi në dorë, duke respektuar rregullat, çdonjëra e çdonjëri prej nesh." Ajo është ndalur dhe ka nderuar viktimat e pandemisë por ka folur edhe për shpresën, duke iu referuar fushatës së vaksinimit që nisi të dielën në gjermani. Fjalimi transmetohet në gjermani në mbrëmje dhe merkel e mbyll me një qëndrim personal. Për shkak se zgjedhjet e ardhshme nuk do të kandidoj, kjo me gjasë është hera e fundit që iu drejtohem si kancelare.