Harry Kane e ka nisur me këmbë të mbarë aventurën e tij në futbollin gjerman. Sulmuesi i përfaqësueses angleze ka treguar se edhe me Bayernin mund të shënojë po aq gola sa në Angli teksa në 10 ndeshje të Bundesligës ka shënuar 15 gola. Por në aspektin personal dicka nuk po shkon ashtu sic duhet dhe bëhet fjalë për gjetjen e një shtëpie për të jetuar bashkë me familjen. Që nga momenti i transferimit të tij në Mynih në muajin gusht, Kane nuk ka rreshtur së kërkuari një banesë gjatë këtyre 3 muajve, por deri tani nuk ka mundur të gjejë atë cfarë dëshiron. ‘Harry është një njeri familjar dhe e ka prioritet gjetjen e një banese ku të jetojë me familjen dhe fëmijët e tij-tha një burim pranë futbollistit për tabloidin ‘the Sun’.